Legez kanpoko Interneteko deskargak

Internetetik musika eta filmak legez kanpoko jaistea zigortzearen aldeko legearen bozketa egiten ari dira Frantziako Parlamentuan.

Lege proiektuak sorkuntzaren Interneteko hedapena eta babesa ditu gai. Pirateria jarduerengatik erabiltzaileei bidaliko zaizkien oharrei kasurik egin ezean, Interneteko konexioa hiru eta hamabi hilabete bitartean etetea jasotzen du lege proiektuak. Joan den urrian senatuek onartu zutenetik polemika sortu du lege proiektuak, Internauten eskubideak defendatzen dituzten elkarteen arabera, «bidegabea» baita.

Espainiako estatuan

Webguneak erregulatzeko proposamen polemikoaren inguruan, Zapaterok epailearen agindurik gabe ez dela "inola ere" webgune bat ere ez itxiko ziurtatu du.

Mariano Rajoy PPko presidentea legez kanpoko deskargak eskaintzen dituen webguneen itxieraren kontra agertu da bere blog-ean erantsi duen bideo batean.

Bitartean, musikari, abeslari eta diskoetxeen langile asko Industriako Ministerioaren aurrean bildu ziren legez kanpoko deskargen amaiera eskatzeko.

Bertan, artista batzuek, Rosario, Antonio Carmona, Luis Eduardo Aute, Loquillo, David de María, Tamara, Conchita eta Chenoak, besteak beste, musika kultura dela, baita enplegu ere oihu egin zuten.