Mintzalagun programan izen-emateko epea urriaren 6ra arte zabalik

Aurten, bosgarren urtez, berriz ere abian da MINTZALAGUNA ekimena, Hitzaro Euskara Elkarteak, Goiztiri-AEK euskaltegiak eta Ordiziako Udaleko Euskara Zerbitzuak elkarlanean antolatuta.

Aurtengo ikasturterako izen-ematea urriaren 6ra arte izango da zabalik. Izen-ematea Hitzaron, AEKn edo Udaleko Euskara Zerbitzuan egin ahalko da bertan eskura izango diren fitxekin batera.

Ikasturteari urriaren 15ean emango zaio hasiera, 18:30ean, Barrenan. Bertan mintzalagun talde desberdinen aurkezpena egingo da, alde batetik. Beste aldetik, egitasmoaren hainbat berrikuntza ere aurkeztuko dira.