Audacity programa frogatzen

---

Gaur lehenengo aldiz audacity programa frogatu dugu. Hortarako Felipe Juaristiren Ezinezkoa da ahanztea poema grabatu dut. Izugarri arraroa egin zait nire ahotsa grabatuta entzutea. Hementxe jartzen dizuet.

EZINEZKOA DA AHANZTEA

        Felipe Juaristi, 2004

 

 Ezinezkoa da ahanztea.

Heriok bakarrik ahantz dezake.

Ezinezkoa da itxarotea;

denbora denak bakarrik itxaron dezake,

eta denborari denbora gehiago eman,

eta denborari arrosazko ohea jarri.

Bada betiraundea,

gogogabe eta nekez beterik

zabaltzen den oraina.

Ai, izatearen zoritxarra!

Infinitua nahi

bere gorputz hilkor eta mugatuarentzat.

Argi iheskor eta ahularen urruntasuna

bizi da gugan, ordea,

eta hustu egiten gaitu.

Ezinezkoa da desiratzea,

sekula ez da guztiz desiratzen

eta sekula ez da guztiz lortzen

desiratu izan dena.

Desiratzea itxarotea da,

desiratzea ahanztea da,

desiratzea hiltzea da

desira izateari utzi

eta dohain argitsu

bihurtu den unean.

Desiratzea da

desiratu den horretan

guztiz berpiztea.

guztiz berpiztea.