MAITASUNAREN HILABETEA

gorgoinetan 1456135123611 POETA BIZIEN KLUBA | 2009-06-17 17:56

MAITASUNA

Laska

 

Iraila

Urria

Azaroa

Abendua

Ilbeltza

Otsaila

Martxoa

Apirila

Maiatza

Ekaina

Uztaila

Abuztua

Maitasuna

 

Hamairugarren hilabetea

ez da malefiziorik

hamairugarrenean azkenik

bihotz minduarentzat ukendua

                                   beroa

                                               bedeinkazioa

                                                           laino xurien gainean oinutsik

                                                           zeru urdinaren babesean ametsetan

                                                           bizitza ametsa baita

                                                                       bizitza maitasuna

 

DO NOT WALK OUTSIDE THIS AREA

 

Irakurri eta ametsetan segitzen dut

urtaro berrian ametsetan

udaren eta udazkenaren artean

azkenean iritsi baita

hamairugarren hilabetea:

            MAITASUNA.

            Eta ez dok amairu,

            baina bai hamairu

                        bedeinkazioa!

Gaur goizean enarek debekaturik dute

lurrean oinak tipatzea,

eta beraz,

oinak airean ditut

eta oinez noa hegan laino xurietan.

 

Neguko amodio hura gogoan.


Utzi iruzkina: