Seme-alaben sexualitatean laguntzeko formakuntza tailerrak izango dira apirilaren 17an eta 24an

Nola lagundu seme alaben sexualitatean? Galdera horri erantzuteko, formakuntza tailerra izango da apirilaren 17an eta 24an (15:30ean gazteleraz eta 18:00etan euskaraz). Berdindu Eskolak zerbitzuko kide Izaskun Aranbarrik azaldu duenez, sexu aniztasuna modu baikorrean lantzea eta seme-alaben sexualitatearen akonpainamenduan tresnak eskaintzea izango da formakuntza ariketaren helburua.

Bi ordu iraungo duten ariketetan, honako eduki hauek landuko dira:

• Zer ulertzen dugu sexualitateari buruz hitz egiten dugunean? Sexualitatea praktika genitalak baino haratago ulertzea, gorputzen, plazerren eta desiren bizipena baita.
• Aniztasuna - genero eta sexu aberastasuna: feminitateak/maskulinitateak, desirak, sexu eta genero identitateak...
• Telebista eta sare sozialen eragina: harreman ereduak.
• Harreman afektiboak: komunikazioa, adostasuna eta errespetua.
• Familien papera: Nola lagundu seme-alaben sexualitatean?