Ostiral honetan 'Jolasean eta kirolean gure seme-alabekin' hitzaldia
Abenduaren 16an “Jolasean eta kirolean gure seme-alabekin” formakuntza saioa eskainiko du Unai Arrietak, Kultur Etxeko hitzaldi gelan, 18:00-20:00. Saio hau elkarlanean antolatu dute Elgiobarko Udalak, Herri Eskolako Kalamua Guraso Elkarteak eta Ikastolako Guraso Kontseiluak.
HH eta LHko gurasoentzako izango da hitzaldia. Kirolaren bidez zera nahi dugu: seme-alabentzako ohitura osasuntsuak sustatu; berdintasunaren bidea jarraitu; lehiakortasunik gabeko kirola sustatu; emozioak ulertu eta kudeatu; arauak, motrizitatea, askatasuna eta aisialdiaren inguruan lan egin.
Formakuntza saio honetan parte hartzeko aldez aurretik izena eman beharra zegoen.