Nafarroako produktuak dakarzkigu Errigorak, nekazaritzari eta euskarari bultzada emateko
Nafarroako nekazaritzari eta euskarari bultzada emateko egitasmoa da Errigora. Udaberriko kanpainan, Nafarroa hegoaldetik kalitatezko produktuak zuzenean dakarzkigu, jatorrizko prezioan. Horrekin batera, hango nekazariek dena euskaraz etiketatzeko konpromisoa hartzen dute. Martxoaren 14ra bitartean egin daitezke eskaerak.
Udaberri honetako kanpainan, olioa eta kontserbak eskaintzen ari da Errigora. Olioa martxoaren 29 arratsaldean banatuko da, merkatu plazan. Kontserbak, berriz, maiatzaren 31n banatuko dira, leku berean. Produktuak jasotzerakoan ordaindu beharko da. Eskaerak, edozein kasutan, martxoaren 14a baino lehen egin beharko dira.
Eskaerak egiteko, hauexek dituzue bideak:
- Internet bidez, formulario honetan klik eginda
- elgoibar@errigora.eus e-postara idatzita
- Kalean banatuko diren eskuorriak beteta
Hemen kontsulta ditzakezue Errigorak kanpaina honetan eskaintzen dituen produktu eta prezio guztiak. Kontsumitzaileek produktu ekologikoak edo konbentzionalak aukeratu ahal izango dituzte. Edozein zalantza edo argibide izanez gero, elgoibar@errigora.eus helbidera idatz dezakezue.