Hilaren 26an, Oin Alai berezia
Hilaren 26an Oin Alai berezia egingo dute Elgoibar Ikastolako eta Herri Eskolako ikasleek eta laguntzaile dituzten boluntarioek. 8:30etik 9:30era izango da kale-jira, Kalegoen plazan hasi eta ikastetxeetaraino iritsiko dena.
2010ean jarri zuten abian ekimena bi ikastetxeek, Udalaren laguntzarekin. Ordutik, ehuna ikaslek eta boluntariok hartu dute parte Oin Alain. Eskoletarako bidea oinez egiten ikasten dute ikasleek, lagun berriak egiten dituzte, automobilean joateak sortzen duen kutsadura saihesten dute… abantaila ugari ditu!