Gelako whatsapp taldea, gelako kontuen berri emateko tresna eraginkorra
Ikasturte hasierako bilera askotan sortu dituzte ordezkariek geletako whatsapp taldeak, baina badira oraindik ere horrelakorik ez dutenak. Gelako kontuak, proposamenak, ideiak, eta GKOBrekin lotutakoak berehala komentatzeko tresna eraginkorra denez, komenigarritzat jotzen dugu horrelakorik ez duten geletan ordezkariek whatsapp taldea sortzea.
Jakina, gelako whastapp taldearen erabilera egokia egitea komeni da. GKOBn jarraibide hauek onartu genituen joan den ikasturtean: gelako ordezkariak arduratuko dira gelako whatsapp taldea sortzeaz edo eguneratzeaz; erabilera arduratsua egitea proposatzen da: gelako gurasoentzat interesgarri izan daitezkeen gaietara mugatzea gelako whatsapp taldea; Gelako whatsapp taldeak Guraso Kontseiluko Ordezkari Batzordetik (GKOB) datozen informazioak guraso guztiei zabaltzeko tresna dira; era berean, gurasoek dituzten iradokizunak GKOBra bideratzeko tresna erabilgarria dira.