Bihotz Biriketako Bizkortzea, maiatzeko formakuntza-tailerra
Maiatzaren 9an, asteazkenez, egingo da Gurasoen Formakuntzako hurrengo saioa. Oraingoan Bihotz Biriketako Bizkortzea (BBB) egiten erakutsiko digute Pediatria zerbitzuko kideek. Saioa 18:00etan hasiko da Kultur Etxeko Hitzaldi gelan.
Osakidetzaren arabera, “pertsona bati bihotza gelditu zaiola ikusiz gero, bihotz-biriketako bizkortzea (BBB) egin behar diogu. Esku-hartze zehatz batzuen multzoa da BBB, eta, horri esker, bihotzak odola ponpatzeari berrekin ahal izango dio eta fluxu/oxigenazio-faltak eragindako lesioak saihestu edo murriztu”. Bizkortze hori edonork egin dezakeela dio osasun-erakundeak, ez dela behar aparteko jakintzarik edo materialik.
Herriko ikastetxeek eta Udalak antolatzen dituzte formakuntza-saiook eta hurrengoa datorren urrian izango da, Nola ikasi ikasten? galderari erantzuteko.