Apirilaren 2an izango da Gurrutxaga Krosa
Argazkia: BARREN astekaria
Ikasturte honetan ere, urtero bezala, Elgoibar Ikastola kirol jarduerak bultzatu nahirik XXIV. J. GURRUTXAGA KROSA antolatzen ari da. Ekintza hau datorren apirilaren 2an goizeko 10:30ean ospatuko da, Elgoibarko kaleak giro atseginez beteko direlarik.
Aurten ere, Mendaro eta Elgoibarko ikastetxe desberdinetako haur eta gazteak parte hartu ahal izango dute, adin eta luzera desberdinetako 13 karreretan. Dagoeneko 750 korrikalari apuntatuta daude eta azkenengo karreran parte hartu nahi dutenak, (2000. urtetik aurrera) beraien karrerako ordua (12:00) baino lehenago udaletxeko arkupetan apuntatu ahal izango dira. Azken karrera honetan edozein adineko edozein herritarrek har dezake parte eta herriko korrikalari guztiak animatu nahi dituzte parte hartzera. Animo!!!
Bestalde, hogeitalaugarren edizio hau Jose bera gabe ospatuko den lehena izango da, pasa dan urteko urrian hil bait zen 95 urte zituela.