Animatu txosnan parte hartzera!
Aurtengoan ere Elgoibar Ikastolak txosna jarriko du Gabon Zahar feria egunean, urteroko ohiturari jarraituz. Abenduaren 30ean izango da. Ikastolako langile eta guraso askok izena eman dute goiz horretan lan egiteko, baina kopurua ez da nahikoa. Beraz, animatu zaitezte eta eman izena, txosnaren emaitzak denontzat izango dira-eta!
Txosnaren helburua bikoitza da: batetik, gure eskolak herrian duen presentzia indartu eta herriko jai eta festetan parte hartzea, eta bestetik, Ikastolak bultzatzen dituen beste zenbait ekimenen (Jose Gurrutxaga Krosa, Pilota Eguna…) finantziazio iturri izatea.