Bibotea, ikusteko

Saguek ez dute ikusmen oso ona, eta bibotea erabiltzen dute txatartegi eta estoldatan gidatzeko.

Saguek bibotea nola erabiltzen duten aztertzen orduak eman dituzte Illinois-ko bi ingeniarik, eta  bibotedun errobot bat garatu dute.

Saguek, bibotea zerbaiten aurretik igarota, aurrean daukatenaren irudia egiten dute buruan.Laborategiko esperimentuetan ikusi dutenaren arabera, material desberdinen artean bereizteko gai dira saguak bibotearen bidez eta ez dute oztopoak saihesteko soilik erabiltzen.

Robotak gauza bera egiten du.

Asmatzaileek uste dute, egunen batean, beste planeta batzuk esploratzen dituzten roboten mugikortasuna erraztuko dutela halako bibote biomimetikoa erabiliz, edota ur-azpian dabiltzan roboten nabigazioan lagunduko dutela.

Animalien portaerak aztertzen asko garatu dira animalien mekanismoak imitatzen dituzten gailuak... adibidez, ikusiko zenuten beldar-ibilgailuak edo garai bateko hegazkinak, ezta?