Iskanbila "Bizimodu baten historia" (Tought ain't enough)
![pyromanya@hotmail.com 1715526197118 pyromanya@hotmail.com 1715526197118](https://media.blogak.eus/media/photologue/photos/cache/Iskanbila-Bizimodu_baten_historia_home.jpg)
Deabruzko ziztuan erasoan hasten diren gitarrak, tabernetan oihuka kantatzeko moduko ereserkiak... bederatzi kantuok dinamita hutsa dira. Punk-oi! eszenak azken urteotan izan duen gorakada nabarmena izan da, eta apustu segurua da edozein jaialdi edo gaztetxe betetzeko. Kontua da arrasatear talde hau 1990ean hasi zela jotzen, eta 97an atera zutela lehen diskoa. Orain, beren lekua erreibindikatzeko itzuli dira. Realzaliek futbol ereserkia Iskanbilaren ezagunena bihurtuko den arren, inpaktu handiena sortzen duten kantuak MCD taldearen estilora abiatzen dituzten gitarra rock-and-rolleroen eskutik datoz. Punteoen boterea oso eraginkorra da, hala nola Zerbezarik gabe ez dago rockanrolik, Ni ez naiz morroia, Faxismoaren sustraiak... eta abarretan. Hori, koruen berebiziko indarra eta energia positiboa dira talde hau eszenaren gailurrean kokatzen dutenak.
Iruzkinak
Utzi iruzkina: