-GosaRi deSitsuratua-

---

Gosari desitxuratua;

 erlojuak torloju baten moduan erauzten dit burua

arnasa ebatsiz, zainak zurituz

..

katiluko kafea fregaderatik isurtzen dut

 ezkutuan absentarekin mukurutuz

gaurkoan izotzarekin urtsutu barik

ajea urteek hirukoiztu dutelako

. .

ohiturari muzin egin gabe

laranja zukua, ogi xigorra

gabetan bakarrik konprenitzen nauenarentzat

.  .

eskailerak gora

oinazeak;

oin biluztuak markatutako irudi efimeroak,

denborak itotako

  sentimenak bezala

.   .

Lurrundutako oinazetan atzera eginez

Nire gorpua sofan bota ta

Hitzak atz puntetan biltzen ditut

Piano jolea banintz bezela

Ordenagailuko pantailan

errealitatetik lapurtutakoak Ikutuz,

.      .

telebista pizten dut

baita irratia

olatuaren zain dagoen surflaria bezala

inspirazioa bilatu nahiean,

gaurkoan ez dago olaturik ordea

atzo, herenegun…

.             .

Gomutatzen ditut goizeko ordu bietan

Ilunpean mesanotxeko argia piztu ta

Eskubarruan idatzitako kantuak

Loak, gaur ordea ez dit mezurik bidaltzen

Ohean hotz bainago, izara konpartitu arren

ez garelako jadanik elkar berotzen

.                                        .

Aspaldian gogaide ez garela jakinda

Elkar ulertzera behartuak izatea adostu genuen

 hitzik gabeko eztabaidan

zuriz idatzitako akordioan

gu geuk ezarritako heriotza zigorrei jarraiki.