Blogei buruz

Ordenagailuarekin harremanak hobetzeko saiakera honetan, zenbait blog bizitatzeaz gain blogen gainean idatzi dituzten artikulu batzuk irakurri ditut, eta oraindik ni eta teknologia berrien artean leize-zulo handia badago ere, gustuko  ideiak ere aurkitu ditut;

Internet ez da makina bat, gu gara internet. Pantailaren bestaldean jendea dago, pertsonak, zer edo zer gogoangarria entzun-irakurri-ikusteko gogoz daudenak. 2.0 teknologien ezaugarririk garrantzitsuena horixe bera da: pertsonak hurbildu dituzte; pertsonen arteko interakzioa ikaragarri bultzatu dute. Ez da kasualitatea softwaregintza soziala merkatuko liderra izatea edukiak kudeatzeko sistemen alorrean, blogak kasu, jakin badakigulako harreman estu-estua dagoela teknologia eta ideologiaren artean. 'Software for social change' delakoak komunitateetako kideen arteko harremanak eta informazio nahiz esperientzia trukaketak ahalbidetzen ditu, komunikazio horizontal eta kooperatiboak abantailak ematen baitizkigu herritarroi, liberalismoaren jario bertikal eta hipotesi indibidualisten aurrean. Inteligentzia kolektiboaren dimentsio berria?
Hainbeste injustizia  bizi ditugun herri honetan, injustizia hauek salatzeko kalera irtetea gero eta zailagoa den garai honetan, agian internet eta blogak, indiferentziaren aurka borrokatzeko aliatuak izan daitezke.