Maduroren EGUZKIEN KARTEL-ik ez dagoenez…
Nicolas Maduro Venezuelako presidentea, AEBek 2025eko urtarrilaren 3an Caracasen bahitu zutena, New Yorkeko Gorte Gorenaren aurrean agertu da. Bertan, bere burua errugabetzat jo zuen eta estatubatuarrek bahitu zutela esan zuen. Izan ere, Maduroren adierazpenak garrantzirik gabekoak izan litezkeela baldin badirudi ere, ustez dena bere aurka guztiz konpondutako sistema batean aurkezten delako, orain fiskaltza estatubatuarrak Nicolas Maduroren aurkako karguak egiaztatu beharko ditu eta, nolabait, Venezuelaren aurkako erasoa justifikatu.
Orain, estatubatuarrek Nicolas Maduroren aurka egindako kontakizuna gainbehera hasi da. Eta lehen biktima fikziozko Eguzkien Kartela izan da, bere izate hutsa frogatzerik ez dagoelako. The New York Times egunkari estatubatuarreko titular batek honela ireki du: “Venezuelako Eguzkien Kartela benetako taldea dela dioen baieztapena erretiratu du Justizia Sailak”. Eta aldi berean, gehitzen du: “Iaz, Nicolas Maduro presidentea harrapatu aurretik, Trumpen administrazioak erakunde terrorista izendatu zuen Eguzkien Kartela eta Nicolas Madurok zuzentzen zuela baieztatu zuen”. Hartara, Nicolas Maduroren aurkako akusazioak jaso duen kolpea benetan izugarria da.
AEBetako Fiskaltzak Maduro narkotrafikoagatik akusatzen jarraituko du, baina giltzarri hori gabe akusazioa nahiko indargabetuta geratu da. Orain Nicolas Maduroren eta narkotrafikoaren arteko lotura bat ezarri beharko du, gero onura zuzen bat egiaztatu eta, azkenik, hori guztia AEBen kontra nahita egiten zuela egiaztatu. Hori guztia frogatzea oso zaila da; izan ere, Venezuelak, Latinoamerikako beste gobernu batzuek bezala, modu aktiboan egiten baitio aurre narkotrafikoari, eta badirudi geldotasuna estatubatuarren alde dagoela, dirua banatzeko eta garbitzeko sare handiak ez baitira ukitu hainbat hamarkadatan.
Horrek guztiak arazo handia sortzen dio Trumpen administrazioari. Izan ere, AEBetako Altxorraren Departamentuak aurretik Eguzkien Kartela erakunde terroristatzat izendatua baitzuen, Nicolas Maduro erakunde terrorista baten buru bihurtuz eta, ondorioz, bere harrapaketa justifikatuz. Hala ere, Eguzkien Kartelik ez dagoenez, Maduro harrapatzeko benetako justifikaziorik ez dago.
Maduro harrapatu baino egun batzuk lehenago, Trumpen administrazioak fentaniloa suntsipen masiboko arma gisa izendatu zuen. Baina ez zuen argi utzi konposatu hori asmatu zuten eta gaur egun saltzen duten industria farmazeutiko estatubatuarrak zigortuko ote dituen edo horien aurka eginen duen, edo, besterik gabe, Latinoamerikaren aurka eginen duen, suntsipen masiboko arma horiek ustez Latinoamerikatik baitatoz. Izan ere, ironiko samarra da estatubatuarrek suntsipen masiboko armak berriro aipatzea beste nazio bat inbaditzeko justifikazio gisa, justifikazio hori bera eman baitzuten Irak inbaditzeko.
Hala ere, ez zuten inoiz arma nuklearrik, kimikorik edo biologikorik aurkitu. Aurkitu zuten gauza bakarra tonaka urre eta petrolio-erreserba ikaragarriak izan ziren. Are argigarriagoa da Nicolas Maduro atxilotu ondoren Donald Trumpek eskainitako prentsaurrekoan, askatasuna eta demokrazia hitzak ez zirela batere aipatu. Hala ere, Donald Trumpek bere mintzaldi laburrean 27 aldiz aipatu zuen petrolio hitza, Venezuelako buruzagi eta administratzaile gisa bere burua izendatu zuen eta Venezuelako lurpetik –petroliotik, noski– ateratzen den aberastasunarekin aberats bihurtuko zituela agindu zuen.
D.Trump -ren adierazpenak prentsaurreko horretan: “Gure AEBetako petrolio-konpainia erraldoiek, munduko handienek, bilioika dolar inbertitzea, petrolio-azpiegitura akastuna konpontzea eta herrialdearentzako diru-sarrerak sortzen hastea lortuko dugu. Eta prest gaude bigarren eraso askoz handiago baterako, behar izanez gero.
Posible al da AEBek urtetan Venezuela administratzea? Beno, ez zaigu ezer kostako lurretik ateratzen den dirutza oso handia delako. Segurtasuna nahi dugu han. Gure etsaiek hartuko ez dituzten herrialdeez inguratuta egon nahi dugu. Hori ari zen gertatzen eta ez dugu hori gertatzerik nahi. Baina berreraiki eginen dugu eta ez dugu dirurik gastatuko. Petrolio konpainiek esku hartuko dute. Dirutza gastatuko dute. Aspaldi berreskuratu behar genuen petrolioa berreskuratuko dute. Lurretik diru asko ateratzen ari da. Hori guztia itzuliko digute. Gastatzen dugun guztia itzuliko digute. AEBetako Armadak tinko eusten dio bere posizioari, eta AEBek aukera militar guztiak mantentzen dituzte, eskariak erabat beteak izan arte. Venezuelako politikari eta militar guztiek ulertu behar dute Madurori gertatu zitzaiona beraiei ere gerta dakiekeela. Eta gertatuko zaie beren herriarekin ere justuak ez badira.
Iruzkinak
Utzi iruzkina: