Irango gerra, 2.029ra arte?
Berriz dugu geurekin Seyed M. Marandi irakasle irandarra, hainbeste gorabehera izaten ari den Irango gudua une honetan nola dagoen argi diezagun. Egia ote, D. Trumpek dioen bezala, Ormuzko Itsasartea estatubatuarren esku dagoela? Zein da Iranen taktika? Noiz amaitu liteke gerra hau? Ikuspegi orokor baliotsua eskaini digu berriz ere Seyed Marandik.
Ez dut uste indar armatuen kupulan edo Guardia Iraultzaile Islamikoan izandako aldaketek eragin handirik izanen dutenik. Aldatu dena Segurtasun Nazionaleko Kontseilu Goreneko presidentetza da. Mohsén Rezaí dibisioko jeneralaren buru jarri da. Hori garrantzitsua da Rezaí jeneralak aurreko presidenteak baino botere handiagoa duelako eta funtsezko erakundeen kudeaketan ibilbide zabalagoa duelako. Funtsean Iraultzaren Zaindarien agintean zegoen Saddam Husseinek 1980an Iran inbaditu zuenean.
Guardia urte horietan guztietan zuzendu zuen, arma arinak besterik ez zuen erakunde txikia zelarik. Berak bihurtu zuen Islamiar Iraultzaren Zaindarien Kidegoa (CGRI) gaur egun den bezalakoa, 16 urtez zuzendu eta gero. Gainera, ekonomian doktoregoa du; beraz, gai ekonomikoak eta politikoak ezagutzen ditu. Segurtasun Nazionaleko Kontseilu Gorena lehen baino erakunde boteretsuago bihurtuko du, Estatuaren barruan, bere izaeragatik soilik. Ameriketako Estatu Batuei, Israelgo erregimenari eta Iranen kontra sortu den koalizioari buruz duen jarrera publikoa askoz ere irmoagoa da. Eta Iranen aurkako gerrari buruz duen jarrera tinkoagoa.
AEBek elkar ulertzeko memoranduma hautsi eta gerra berrabiarazi ondoren, Iranen erantzunak gero eta gogorragoak bihurtu ziren. Estatubatuarrek helburu bati eraso egiten bazioten, irandarrek indar handiagoz erantzuten zuten. Baina Rezaí doktoreak egoerari buruz duen ikuspegia askoz ere erabakigarriagoa izanen da. Hori funtsezko aldaketa da.
Trumpen presidentetza amaitu arteko gerrarako prest
Iran erabat prest dago gerrarako, eta misilen eta droneen programa zabaltzen jarraitzen du. Misil eta droneen lur azpiko baseak eta fabrikak handitzen ari da, baita aginte eta kontrol guneak ere. Trumpen presidentetza amaitu arte iraungo lukeen gerrarako prestatzen ari dira herrialdea. Gainera, irandarrek ohartarazi dute une honetan Ormuzko itsasartea itxita dagoela, nahiz eta Iranek herrialde lagunen ontzi batzuei eta akordioen arabera baimentzen dituenei igarotzen uzten dien.
AEBek gerra ekonomikoa areagotuko balute, irandarrak AEBetako armadaren ontziak erasotzen hasiko lirateke. Iranek erabili ez dituen gaitasunak dituela jakina da, oraingoz ez baitu eskaladan gehiegi igo nahi. Gainera, Iranek Ormuzko itsasartea erabat itxiko luke. Ez litzateke deus igaroko eta ziurrenik Emirerrietako eta Saudi Arabiako oliobideek ere ez lukete funtzionatuko. Irandarrak mota guztietako eskaladatarako daude prestatuta.
Zerbait gertatzen ari da Iranen eta Arabiar Emirerri Batuen artean. Ez dakit Iranek ordain gisa azalduko ote duen. Ez ditut xehetasunak ezagutzen, baina lotuta dago ontzi batzuei Ormuzko itsasartetik pasatzen uztearekin.
Irandarrek AEBen ontziei zein estatubatuarren baseak hartu dituzten herrialdeei eraso diezaiekete, AEBek ez baitituzte herrialde horiek utzi. AEBek modu zehatz batean eskalatzen zutelarik, Iranek modu zehatz batean erantzuten zuen. Gaur egun, ordea, Jamenei aiatolak Rezai jeneral nagusia Segurtasun Nazionaleko Kontseilu Goreneko buru izatea nahi zuen, AEBek eta Israelek eskualde osoan egindako erasoei modu erabakigarriagoan erantzun nahi dielako.
Iranen gaitasunak izugarri hobetu dira maila guztietan, bai aireko defentsan eta AEBen droneen eraispenean, bai Iranek zehaztasun eta suntsipen handiagoz erasotzeko duen gaitasunean.
Iran gai izanen da Pertsiako Golkoko monarkiekin nahi duena oso azkar egiteko. Herrialde horiek kolapsatu eginen dira Iranek errepresalian eraso egiten badie, Trumpek Irani berriro eraso egiteko mehatxua betetzen badu.
Israeli oinarrizko instalakuntzak eraisteko gaitasuna
Iranek Israelgo erregimenari eraso egiteko duen gaitasuna duela hilabete batzuk baino handiagoa da gaur egun. Irango misilen zehaztasuna suntsitzaileagoa bilakatzen ari da. Irandarrek, gerra zabaltzen bada, aise suntsitu ahal izanen dituzte Israelgo erregimenaren funtsezko instalazioak.
Gainera, Iran misil eta drone berriak ekoizten ari da, estatubatuarrak aireko defentsarako misilak egiteko gai diren baino askoz azkarrago.
Eskualdeari dagokionez, saudiarrek gutxietsi egin zuten Yemen. Yemengo indar armatuak Saudi Arabiako erregimenaren indarrak suntsitzen ari dira Yemenen, eta baita bertako aliatuak ere. Saudi Arabiako erregimena Yemengo herriaren aurkako blokeoa bertan behera uztera behartzen hasi dira, kontrablokeoa ezarri zioten eta orain Saudi Arabiaren petrolio esportazioak kaltetuak dira. Irakeko erresistentzia gerrarako prest dago, eta esan du ez duela bertan behera utzi Saudi Arabiari Irakeko armada osatzen duten herri mobilizazio indarrei egindako bonbardaketagatik emanen dion erantzuna. Orain erresistentzia frontea hedatzen ari da eta eskualde osoan dihardu. Koordinazioa dago, eta Bab el-Mandeb eta Ormuzko itsasarteak batera ixteak AEBen gaineko presioa areagotu du.
Israelgo erregimenak Libanon eta Gazan erasoarekin jarraitzen badu, Iranen erantzuna erabakigarriagoa izan daiteke, eta baliteke denbora gutxiago behar izatea hori gauzatzeko.
Eta krisi globalak, munduko krisi ekonomikoak, okerrera egiten du egunero. Eta gatazka honek askoz luzaroago jarraitzen badu, azkenean oso leku ilun batera iritsiko gara.
Mossad-en, CIAren eta Mendebaldeko agentzien adimena ez da oso ona. Iranen misilen eta droneen gaitasunak gutxietsi zituzten. Oso gaizki interpretatu zuten egoera.
Gauza bera gertatzen da Yemenekin. Yemen bere lur azpiko gaitasunak garatzen ari da, bere misil eta drone fabrikak barne. Eta saudiarrek gutxietsi egin zituzten. Estatubatuarrek konfrontazio hori hastera animatu zituzten saudiarrak, Yemenek erantzunen ez zuelakoan. Baina azken egunotan Saudi Arabiako helburuen aurkako eraso gogorrak ikusi ditugu fronte guztietan. Gaizki kalkulatu zuten.
Mendebaldean gauzak ongi doazkio Irani. AEBek gabeziak dituzte Iranen aurkako gerran, eta ahulduta dute Europan duten posizioa. Iranen, bere aliatuen eta Errusiaren arteko koordinazioa uste duguna baino handiagoa da.
Trump catering-aren barruan gordeta
Trumpek Turkian izan zuen gertakaria, hegazkinetik ihes egin eta ezkutatu zutenekoa, Israelen lana izan zen. Hau guztia argitara ateratzen ari da eta Israelgo erregimenari are kalte handiagoa eginen dio. Ekonomiaren hondatzea, abian dagoen genozidioa, Iranen aurkako gerra, AEBetako presidentearen umiliazioa eta AEBetako lobby sionistaren portaera orokorra… AEBetako sionismoaren posizioa suntsitzen ari da. Beraz, hau dena ere ongi datorkio Irani.
Gainera, Iranek Txina eta Errusia bezalako herrialde boteretsuen artean duen posizioa asko indartu da gerraren ondorioz. Iranen estatus globala eta erregionala hobetu egin da, eta gerra hau amaitzen denean, Ormuzko itsasartea kontrolatzeak Iran askoz azkarrago haztea ahalbidetuko du.
Trumpek Ormuzko itsasartea hartu eta AEBen lurralde bihurtzeari buruz egindako adierazpenek are gehiago indartzen dute Iranen jarrera, baita etsaiak bere subiranotasuna, duintasuna, lurraldea kendu nahi izatea, bere herrialdea zatitu nahi izatea, bere herria suntsitu nahi izatea herrialdea birrinduz... Beraz, Trumpek Irango herriari gogorarazten dion bakoitzean nor den eta nolakoak diren AEBetako establishment politikoa eta sionistak, are gehiago elkartuko dira herritarrak herrialde osoan eta Iran begikoago izanen du mundu osoak.
https://www.youtube.com/watch?v=6MR98VSDb0A
joan mari beloki kortexarena
2026-08-19
Iruzkinak
Utzi iruzkina: