"Busifikazioa"
“Busifikazio” terminoa oso ezaguna da Ukrainan eta armadaren erreklutamendu-zentro batera minibus batean eramateko bere borondatearen aurka gazteak atxilotzeko prozesuari dagokio. Askotan borroka bortitz baten ondoren gauzatzen da, mobilizazio horiei aurre egiten saiatu diren atxilotuen artean lesioak eta heriotzak izan direlarik. «Busifikazio» terminoak garrantzi handia hartu du Ukrainan, eta hizkuntza modernoan eta jerga ukrainarrean espezializatutako Myslovo lineako hiztegiak aukeratu du 2024. urteko hitz gisa. «Busifikazio» hitza, «bus» errotik abiatuta osatzen da, honek «minibus»ari egiten baitio erreferentzia, ekintza adierazten duen «-ifikazio» atzizkia erantsita.
Hiztegiak dio «busifikazioak» arazoak adierazten dituela mobilizazio prozesuan, non giza eskubideak eta sen ona baztertuta geratzen diren. Hainbat bideo azaldu da sare sozialetan, erreklutamenduko ofizialak kaleetan gizonezkoak harrapatzen eta minibusetan eramaten erakusten dituena. Gaurko bideoan, Ian Proud diplomatiko britainiar ohiak, 2014 eta 2019 artean Moskuko enbaxada britainiarrean kontseilari ekonomiko gisa jardun zuenak, bere ikuspuntuak azaldu dizkigu.
Errekruta behartuen egoera gero eta larriagoa da. Errekruten kopurua asko handitu da eta gero eta bideo gehiago agertzen ari da linean. Orain horrelako egoerei buruzko 4.700 bideo baino gehiago dago, aurtengoak gehienak.
Askotan bideo nahiko kezkagarriak dira. Senide eta lagunak errekrutatzaileekin borrokan ikusten dira, laguna edo semea furgonetara arrastaka eramatea eragotzi nahian. Horietako bideo batean, Odesan, manifestariak errekrutatzaileen furgoneta iraultzen ikusten dira. Errekrutatzaileak ihesi zihoazen errekrutei arma laburrekin tiro egiten ikusi izan dira. Halaber, errekrutatzaileak kamera aurrean errekrutak lurrean itotzen ari direla ere. Egoera benetan kezkagarria da eta, jakina, horrekin batera Ukrainako armadan desertzio kopurua gora egiten ari da.
The Sun egunkari britainiarreko defentsa editore Jerome Starkyrekin ere istiluak izan ziren. Hiru gizon armatuk haren ibilgailua konfiskatu eta erreklutamendu-zentro batera eraman zuten The Sun-eko langile ukrainar bat barruan zela. Gero hau bere nahiaren kontra errekrutatuta geratu zen, Jerome Starkyk deus egiterik ez zuela. Gero eta zailagoa da errealitate horri ez ikusiarena egitea.
Egunkari handi batzuk Ukrainan jende gazteagoa errekruta dezaten bultzatzen ari dira. Gazteak deportatzea iradokitzen duten zenbait txosten ere ikusten da Europan, haien eginbeharra beren herrialdearen alde borrokatzea delakoan.
Polonia horren adibide klasikoa da. Radoslaw Sikorski Kanpo Arazoetako Ministroa aspalditik ari da hori esaten. Baltikoko herrialdeetatik kanpo aurki daitekeen gerraren aldeko sutsuenetako bat da. Gizarte-laguntzak kendu eta berriro borrokatzera behartzeaz hitz egiten du. Poloniak ez ditu bere tropak borrokatzera bidali nahi eta ukrainar errukarri horiek atzera bidaltzearekin konformatzen da. Izan ere, gerra zenbat eta gehiago luzatu, orduan eta denbora gehiago beharko du Ukrainak Europako Batasunera batzeko. Urrats hau arazo ekonomiko handia izanen bailitzateke Poloniarentzat.
Ukrainako armadan desertzioen arazoa areagotu egin da eta, ondorioz, zailtasun handiak izaten ari dira frontearen lerroan beharko lukeen indar mailari eusteko. Gerra hasieran ziren milioitik 200.000 soldaduk baino gehiagok desertatu dute. Gero eta ukrainar gehiago ari da desertatzen eta ihes egiten, ez duelako borrokatu nahi ez eta gerra honetan hil edo hankak galdu nahi ere.
Aldi berean, gero eta ukrainar gehiago dago gerrari amaiera negoziatua ematearen alde. Portzentajea orain %69koa da, duela hiru urte %24koa zelarik. Ukrainak Errusia garaitu dezakeela uste duten pertsonen kopurua proportzio berean jaitsi da, % 60 ingurutik % 23ra. Zelenskik ez du bakea bilatzen, milioiak poltsikoratzen jarraitzea baino ez du bilatzen.
Busifikazio bideoen kopuruak ere gora eginen du 23 eta 24 urteko gazteak indarrez errekrutatzen hasten badira. The Sun-ek bere langileen busifikazioari buruz idatzitako artikuluan erreklutamendu zentroan ikusi zituzten gizon gehienek 40-50 urte zituztela zioen. Haien azterketa medikoak ere tramite hutsa izan omen ziren.
Asaldura sozialak kezka sortzen du. Izan ere, jendarte honi presio handiagoa egiten bazaio eta taktika are oldarkorragoak erabiltzen badira jendearen atzetik joan eta kaleetatik ateratzeko, oso zaila izanen da egonkortasun politikoaren antza duen zerbaiti eustea. Hortaz, nola konpon lezake Ukrainak bere langile arazo orokorra? Kurt Walker NATOn AEBetako enbaxadore ohiak iradoki zuen europarrek euren tropak bidaltzen hasi beharko luketela, ukrainarrek ez baitute fronteko lerroak estaltzeko nahikoa jende lortzen.
Poloniarrek ez dituzte tropak bidaliko, nahiz eta EBko armada handienetako bat eduki eta BPGaren %4 baino gehiago gastatzen duten defentsan. Baltikoek ez dute nahikoa troparik. Eta frantsesek eta britainiarrek ere ez. Azken hauetako bakoitzak 10.000 lagun bildu ahal izanen balitu miraria izanen litzateke. Errusiak, aldiz, borrokatzeko adinean hiru aldiz eta erdi gizon gehiago edukitzeaz gain, beren burua zerbitzurako eskaintzeko prest jarraitzen dute, derrigorrezko mobilizaziorik egin beharrik gabe.
Mosku eta San Petersburgo bezalako hirietan normaltasunez jarraitzen du bizitzak. Ukrainak biztanle gutxiago ditu eta oinarrizko matematika hori ezin izanen du inoiz gainditu. Ukrainarentzat arazo hau konpontzeko modu bakarra gerrari amaiera ematea da. Orduan hasi ahal izanen du Ukrainak bere burua berreraikitzen. Baina Europako politikariek ez dute prozesu hori azkartzeko inolako presarik.
Europarrek 10.000 soldadu ekartzerik izanen balute… Ez dut ikusten Ukrainako lerroak europarrekin bete daitezkeenik. Ez da gertatuko. Ez dago gaitasun militarrik, ezta borondate politikorik ere.
Zelenskiren adierazpenak gero eta etsigarriagoak dira. Bere posizioa ahultzen ari da. Mendebaldeko hedabide konbentzionalenak ere horretaz ari dira azken egunetan. Egoera gero eta larriagoa da Zelenskirentzat eta horrek kolpe handia emanen dio Ukrainako herriaren moralari. 18 hilabeteko borroka gogorren ostean Pokrovsk erortzea kolpe handia izanen da. Kieveko egoera politikoan nabaritzen hasiak dira porrot militarraren ondorioak. Ukrainako iritzi politikoa Zelenskiren aurka bihurtzen ari da. Lehen Zelenskiren inguruan zeuden pertsonak orain maniobrak egiten ari dira gauzak benetan gaizki ateratzen direnerako. Barne borroka horren lehen faseak ikusten hasiak gara, non jendea Zelenski gainetik kendu eta bere lekuan nola jarri pentsatzen hasia den.
https://www.youtube.com/watch?v=MPjSX1mwbc8
https://slavyangrad.es/2025/11/07/busificacion-y-evasion-del-reclutamiento/
ATXILOKETEN BIDEO MOTZAK:
https://www.youtube.com/shorts/FX7-VisAFyY
https://www.youtube.com/shorts/B23tem0GgOE
https://www.youtube.com/shorts/gXUNuvJYUJg
https://www.youtube.com/shorts/zv-D_u9HSUs
https://www.youtube.com/shorts/DTVY5UL02Zw
https://www.youtube.com/shorts/P3JM1cFvTT0
joan mari beloki kortexarena
2025-11-15
Iruzkinak
Utzi iruzkina: