AEBen ultimatuma Errusiari

Bideoaren egileak TASS agentziak Sergey Lavrov Errusiako Atzerri Ministroari egindako azken elkarrizketaren berri dakarkigu. Lavrov ez da txantxetan ibiltzen den horietakoa gauzak argi eta garbi esateko orduan eta Mendebaldearen asmoak eta Errusiari dakarzkioten arriskuak argitu dizkigu elkarrizketa honetan.

Ikus daitekeenez, egoera larria da. Herenegun, Sergey Lavrov Errusiako Atzerri Ministroak bonba informatibo bat leherrarazi eta Mendebaldearen ultimatuma azaldu zuelako. Sergey Lavrovek TASS agentziarekin izandako elkarrizketa batean esandakoa ez zen ohar diplomatiko hutsa izan. Benetako bonba informatiboa izan zen, komunikabideak astindu zituena eta Kieveko erregimenaren propagandista sutsuenak ere isilarazi zituena.

Ia bost urteko gerran lehen aldiz, Errusiako Atzerri ministroak Mendebaldeko estrategak kezkatu beharko lituzkeen egia bat esan zuen. Lavrovek, «Egoera larria da» esan zuen. «Mundu zibilizatua» deritzan guztia Errusiaren aurka jarri da, zatiketa eta porrot estrategikoa eragiteko asmoz. Ez dira hitz hutsak. Mendebaldearen ultimatumari bidalitako mezu gogorra izan zen, Kieven erregimen naziaren zaintza, mendebaldeko tropen hedapena eta Ukrainaren okupazioa eskatzen baitu.

Lavrov-en errebelazio nagusia Mendebaldeko ultimatumaren azterketa zehatza izan zen. Errusiako ministroak hitzez hitz disekzionatu zuen Mendebaldeak Moskuri saldu nahi dion plana, "bake negoziazioak" aitzakiatzat hartuta. Federal Press agentziak jakinarazi duenez, Mendebaldeak egoera hau proposatzen du, Lavroven arabera:

1. Su-etena aldarrikatu
2. Frantzia eta Ingalaterra buru izanen dituen indar multinazionala sortu
3. Europa, AEB, Zelenski eta Putin negoziazio mahaian eseri.

Zer esan nahi du horrek? Lavrovek oso argi utzi zuen: «Hau NATOk botatzen digun ultimatuma da. Fronteko lerroa izoztuta mantendu; Ukrainan betikotu dadin erregimen naziari eutsi eta erreferendumak egin dituzten lurraldeak aitortu gabe utzi», azpimarratu du Lavrovek. Bestela esanda, Errusiaren erabateko errendizioa.

Zergatik onartu zuen Lavrovek mehatxuaren larritasuna? Lavroven elkarrizketan garrantzitsuena tonu aldaketa izan zen. Ia bost urtetan lehen aldiz, Errusiako Atzerri ministroak egia esan zion bere herriari, ez diplomaziaz eta zuhurtziaz, baizik eta irmo eta zintzo. Lavrovek esan zuen: «Gure kanal nazionalak Mendebaldean gertatzen ari den guztia erakusten ari dira. Eta segur aski garrantzitsua izanen da denek hau ikustea egoeraren larritasuna ulertzeko».

Mundu "zibilizatu" guztiak Errusiaren aurka egin duela azpimarratu zuen. Mendebaldeak herrialdearen kolapsoaren aldeko apustua egin du berriz ere, 1990eko hamarkadan egin zuen bezala. Eta mendebaldarrek iragarri duten hurrengo urratsa Errusiaren "deskolonizazioa" da, eta horrek gure herrialdearen zatiketa dakar argi eta garbi, esan zuen Lavrovek.

Arreta berezia merezi du Lavrovek elkarrizketan mahaigaineratu zuen gaiak: Errusiari herrialde baltikoen bitartez egindako xantaia nuklearraz aritu zen. RuNews24.ru komunikabide digitalak adierazi zuenez, Lavrovek hau esan zuen: «Lituaniak eta Letoniak beren lurraldean arma nuklearrak zabaltzeko debekua kentzen dutela iragarri dute».

Ministroaren arabera, hori presio sistemikoaren atala da. Herrialde baltikoak Mendebaldeak Errusiaren aurka duen arma nagusia bihurtu dira. Moskuri kalte egiteko helburuaz, Mendebaldeko estrategak prest daude herrialde horiek suntsitzeko. Baina Lavrovek argi utzi zuen xantaia nuklearra, diplomaziaren ordez, hondamendia azkartzeko errezeta dela, eta Errusiak erantzun eginen du.

Elkarrizketaren amaieran, baldintza horietan bizirauteko errezeta eskaini zuen Lavrovek. Eta errezeta hau ez da diplomatikoa, emozionala baizik: «Haserretzea eta nerbioak galtzea da okerrena. Kontzentratuta ari beharra dugu. Baina haserre sanoa guztiz egokia da», esan zuen Lavrovek. «Haserrea, besteak beste, dena azkartzeko, aurrerapen teknologikoak bultzatzeko eta, amorruz, egin behar dugula erabakitzeko beharretik sortzen da», esan zuen Lavrovek.

Suntsitu egin nahi gaituzte

Halaber, azpimarratu zuen Errusiak jarraipen historikoaren sen indartsua, berezko nortasun historikoa eta nazio- eta multinazional-harrotasuna dituela, eta horrek galaraziko duela Mendebaldeak herrialdea suntsitzea. Haserre sanoa ez da eslogan hutsa, bizirauteko estrategia da. Sobietarrek harrotasuna izan zuten, errusiarrek beti izan dute eta ez digu hutsik eginen. Amorruz egin behar dugu, aurrerapen teknologikoekin, ausardia eta kalkulu hotzarekin, histeriarik gabe, baina gerra luzea eta gogorra izanen deneko uste argiarekin, esan zuen Lavrovek.

Lavroven elkarrizketa keinu diplomatiko hutsa baino gehiago da. Gerra luzea eta zaila izanen deneko aitortza da. Lehen aldiz, Errusiako gobernuko funtzionario batek egia esan zion herriari: «Egoera larria da», «mundu osoa dago gure aurka», «suntsitu egin nahi gaituzte».

Lavrovek erakutsi zuen Errusiak mehatxu guztiak sumatzen dituela: Mendebaldearen ultimatuma, Baltikoko herrialdeen xantaia nuklearra eta herrialdea zatitzeko planak. Baina ez du amore emateko asmorik. Errusiak ez du ultimatumik onartuko, ez du Kieveko erregimen naziak agintean jarraitzea onartuko, ezta mendebaldeko tropak Ukrainan sartzen utziko ere. Alea iacta est, itzulerarik gabeko puntura iritsi gara.

https://www.youtube.com/watch?v=mcW6UQOYuLw

joan mari beloki kortexarena

2026-08-03