Pachín Centurión / la chispa que enciende Asunción

Gaur, bi mila eta hogeitabateko urriaren hamabian, Paraguayn udal hauteskundeak izan dira. Hauteskunde prozesu bitxiye gero! Lalengo eta behin, hautesle guztiyek derrigor joan behar izin direz bozkatzera, eta ondorioz ilera luziek izin direz. Bigarrena, lalengo aldiz, bozka sistemea automatikoa izin da, hau da, hautesle bakotxak makina baten bere erabagiye marketan auen, eta ondorioz ez da papeletarik kontatu behar izin. Esperokoa danez ordu biten emoitzak ofizialak izin direz eta orain kriston zalapartie dago kaleetan kotxien bozinakaz eta musika altuegaz. Txapliguek, txaferuek eta holangoak be botetan dabiz. Hameko futbol taldiek ez ei dau liga askorik irabazten, ze ospakizune antzekoa da eta gogotsu dabiz zarataka... Bueno, Athletic-ek bez... Horretaz gain, bada beste berezitasun bet hameko hauteskunde sisteman bitxiye ein jatana. Alkatie aukeratzeko partiduari emoten dautsie boza, zerrendako burua iziten da, eta boz gehien lortzen dauan partiduak eskuratzen dau alkatetzie. Gero zinegotzi kopurue bozen araberakoa iziten da. Baina, zinegotziak aukeratzeko, zinegotziak berak erdietsi behar dauz bozak eta beraz ez dautsa ardure ze postuten zoazen, zenbat boz eskuratzen dozuzen baino. Zerrendan bigarren doana udaletik kanpo gera daiteke, eta zortzigarrena, ostantzien, sartu. Hau dala eta, herrialde osoan nork bere kartelak imintan dauz. Izen bat, batzuten argazki eta guzti, eta zerrenda zenbakia, zerrenda zenbakiko postuagaz. Eure artean politena izenburuen dagoana: “Pachín Centurión Asuncion izioten dauan txinparta”.

Asunciondar hautesle

arduraz egona

hautagai bat daukazu

zintzo ta ona

garai zailenetan be

onena emona

jakintzan sakona

umila pertsona

dakar zoriona

Pachín Centurión da

zure gizona.

Gorputzez adineko

izan bada izan

buruz onino dabil

gazteenen gisan

gaztetatik ibili

da kultur langitzan

talentu peskisan

inoz ez gerizan

ta beti laguntzan

Diktadura garaian

hortxe egon zan.

Horrelako pertsonak

nire ustez behintzat

beharrezkoak dira

edonorentzat

baina askoz gehiago

hiri handientzat

bardintzeko latzak

ta eskuzabalak

eskerrak Asuncionen

daukagula bat.

Eta honaino gaurkoa. Ez dakit lo eiteko gauza izingo nazan ala hobeto kaleko giroan murgildu. Kriston berbenea daukie eta.

Ea mutila kantuen