Mondayko Urjauziak eguen baten

Paraguayn ure eurrez topa lei. Aurreko baten esan nauen zelan bere muga gehienak erreketan dagozan, eta, batez be hegoaldean, errekak eta lakuak, padurak eta abar edonon ikus daitekez.

Errekotako bat Monday da. Itxuraz Monday berbeak Guarani hizkuntzan “Ur handiya” adierazo gure ei dau. Ez da Iguazuko urjauzien moduko famatue, baie oso ikusgarriye eta handiye bai.

Kokapena ez da Ciudad del Esten, Presidente Francon baino, eta egie esanda ez dago oso iragarrita. Ni eguen baten joan nentzen eta nigez batera beste hizpalau lagun egozan bisitan arratsaldeko hirurak aldera.

Presidente Francon dago

oso leku berezia

erreka baten bidean

lurrak egin dau hautsia

hortik behera ur guztia

amildu bizi-bizia

hezetasunak bustitzen

dau han dagoan bizia

goitik behera oso altu

egiten dau garrasia

saltoa deitzen dautsie

izanagaitik jausia

urak ezintasunean

sentitzen dau tristezia

zuzen jarraituko leuke

egongo ez balitz jauzia.

Inguru dana bustitzen

gandua dago ta bitsa

oihana osatzen dago

izugarrizko sasitza

goian zuhaitz ta hostoak

behien bedar ta zumitza

erdian goroldioa ta

huntzaren indar bortitza

isiltasunik ez dago

dago naturaren hitza

bizitza barreiatzen da

azal, enbor eta mintza

troka zarratu batean

lotu alai eta hitsa

lurra apurtuagaitik

han loratzen da bizitza.

Holako leku batean

basa eta atsegina

sortzen da mundu honetan

esperokoa jakina

edertasunaz jabetu

da abere kaskarina

saiatu behar da beti

lortzen bere etekina

sarrerrea pagarazi

da ta kobratzaile fina

bisitaldia antola

bidezidorra egina

horretarako lotuta

lurrari gogor burdina

eskilara horreek dira ta

gizakiaren lorrina.