Filadelfia

Danok inoz edo behin jan doguz Filadelfia gaztatxoak, gehienetan holango xafla karratuek iziten direz, eta sanguitxak egiteko erabilten diraz. Ez dakit zerikusirik okingo dauan berorrekaz, baie Filadelfia hiriya Boquerón departamentuko hiriburue da.

Boquerón departamentue Chacoko departamentuetako bat da, eta Chaco lurraldearen herena izingo da, azaleraz Castilla-Leon beste, eta Akitania Berria baie apur bet handiyaue, eta biztanleriaren aldetik ehun milera ez da ailegatzen. Hiriyek, benetan, herri handiye dirudi. Boquerón izenak antxoakaz zerikusirik daukonik ez dot pentsetan, berez hameko ingeruen egoan gotorleku baten izena ei zan.

Interesgarriyena seguruenera bere historiye da, bertora bazatoze Marlenek gustora askoan kontako dautsue bere germaniera arkaikoz zipriztindutako gasteleraz... Ez, andriek ez daki euskeraz, zeozer okin behar aban. Arin zurrean, Bigarren Gerrate Mundiala amaitu artino hamen area, kaktusak, zugaitzak, txoriyek, patariyek eta indiyuak baino ez egozan. Halango baten Errusiatik Menonita izeneko komunitate erlijiosoa etorri zan eta bertan kokau zirien. Eurek garapena emon eutsien lurraldeari eta bertoko indiyuei laguntza eskatu eutsien. Horrezkero euren arteko bizikidetzie baketsue da.

Filadelfia hiri handiya

da beti lasai ta nare

Chaco aldean hiriburua

baie pixkat be herabe

kale zuzenak eta zabalak

area askogaz hala be

area eurrez topatu zeinke

hiri barruan bada be.

Kale guztiyak sare antzera

karratuan dauz jarrita

larehun metro bazter artean

etxeentzako itzita

kale ertziek ta erdiguneak

ez dagoz oindik jagita

Kale bakarrak deko tamalez

asfaltoa iminita

supermerkatu handi ta txiki

batzuk dekoz zonaldean

arropa dendak motor tailerrak

zabalik beti lanean

jatetxe batzuk ta farmaziak

inor ba da beharrean

nik dakidala taberna bat dau

jarrita erdigunean.

Goiz gehienean kalean dago

oso baketsu giroa

ezin da pentsa hortxe sortzerik

inola be enreroa

ta bat-batean kotxe pila bat

hasten da pake ondoa

hamabiyetan jende guztiya

bazkaltan etxera doa.

Museoa be dago hiriyan

emoterako diztira

bost bat eraikin parke batean

kulturzaleen pozkida

historia ta natura bere

joan zaitekez begira

indiyuak be badagoz baina

proagonista ez dira.