Booktegirako prestaketa lanak

Ekin diogu ikasturte berriari Etumeta AEK euskaltegian!

Urrian hasi ginen euskara eskolekin; hainbat maila eta helbururako ikastaroak aukeran: euskara ikasten hastetik C2ko trebakuntzara, bada non aukeratua.

Lehen asteotan ikasle eta irakasleok elkar ezagutu dugu eta taldearen helburuak eta nondik norakoak zehaztu ondoren, buru-belarri jarri gara lanean koaderno eta boligrafoekin. Dena den, hizkuntza erabiltzeko denez, herriarekin loturiko lehen ekintza izan dugu Yolanda Arrietaren bisitarekin.

Larunbat honetako Booktegi jaialdiaren harira, Yolandak poesia irakurtaldiak egiteko ikastarotxoa eman zigun. Olerkiak ozen irakurtzeko aholkuak emandakoan, laster asko jarri zituen Yolandak ikasleak lanean! Hor aritu ziren irakurri eta irakurri, poesiaren mamiari ondo heldu nahian.

Gogoan izan larunbat honetan, urriak 26, aukera izango duzuela Usurbilen bertan Booktegi gozatzeko. Esteka honetan izan dezakezue guztiaren berri.

Booktegi programa

Mila-mila esker, Yolanda, zure pasioa guztioi transmitzeagatik!