Elgoibarko Ezker Abertzalearen alternatiba.

---

Olasoko SasiErrotonda

berriaren aurreran

Elgoibarko Ezker Abertzaleak badu alternatiba.

1.- Testuingurua

 

Hauxe izan da azken urteetan PNVren jarrera: gune industrialak egin eta egin, neurrigabe, eta NNSSak lotsagabeki aldatuz, behar izanez gero.

 

Sigma-Olasoko eredua izan da jokaera depredadore horren eredu.

Eta gauzak alderantziz nola egiten diren erakusten du.

 

Kokatzeko:

1.- Sigmako gune industriala sortu zenean – lantegiak porrot egin eta gero-, Elgoibarko PNVko udalak –berak erosi beharrean- Larrabetzuko PNVko kideen empresa bati utzi zion eremua erosten, huskeria baten truke -300 milioi-, subasta publikoa egin zenean.

 

Enpresa honen, -eta alderdiaren- irabaziak izugarriak izan ziren. Garaiko “pelotazoa” izan zen. Ez zuten eraikuntza berririk egin, zegoena zatitu, pintatu, eta lokalak saltzen joan ziren, irabaziak 20 aldiz biderkatuz.

 

2.- Sigmako industriagune honek bazuen, ordea, arazo bat, konpondu gabe gelditu zena. Benetako irteera falta zitzaion. Sigmako zubira zeukan irteera eskasa zen –enpresa batentzakoa-, ez industriagune oso batentzako egokia.

 

3.- Gero Olasoko industrialdea egin zen, alboan, eta gezurra badirudi ere, ganorazko irteerarik gabe egiten utzi zuten. Industrialde pribatua izanik, Udalak ez zion –Lerungoan bezala, kasu-, benetako irteerarik egin. Jakinda, gainera, irteera horrek Sigmakoari ere mesede egingo ziola, kanposantu atzetik bat egiten baitute.

 

Hor izan ditugu, urteetan, bi gune industrial sarrera-irteera eraginkorrik gabe.

Ondorioz,

Egunero karabanak gertatzen dira, goiz, eguerdi eta arratsaldeetan. Hain eragozpen handiak dira, ezen enpresa batzuk ordutegiak ere egokitu dituzten.

Horrek egoera arriskugarriak sorrarazi ditu, bai olasoko irteeran, batez ere, Eibar alderantz ateratzen direnen artean, bai Sigmako irteeran, ertzetik auto asko bideratzen baita, Olasokoa ekiditzearren.

 

4.- Handik urte batzuetara, Sigmako atzealdean irteera berria egin zioten, Santa Ana kalerantz. Honek, alde batetik, errepideko arazoa lasaitu zuen, baina, bestetik, Santa Ana kalekoen lasaitasuna amaierazi. (Halere, azken urtean itxita dagoen bidea da)

 

Egoera horrela, gaur da eguna Udala eta Foru Aldundiaren arteko obra egitera doazela, ustez, egoera horri aurre egiteko edo.

Horretarako planteatzen dutena zera da: Errepidean sasirrotonda bat egitea –Urasandi-Maalakoa bezalakoa-, semaforo eta guzti, eta bertatik irtengo den irteera-sarrera.

Elgoibarko Ezker Abertzaleak, proiektua ikusi eta gero, zera adierazi nahi du:

 

1.- Sasirrotonda egitea, hau da semaforoekin erregulatzen den sarrera egitea, Urasandin ikusi ahal izan dugun lez, ez da irteera ona.

 

Horrek egiten duen bakarra zera da, hasteko, zirkulazioa geldiarazi errepide nagusian, Eibar alderantz, errebuelta bat eta gero, arriskugarria izan daitekeena, jakinda kotxeak zein abiaduran etortzen diren.

Bestetik, sarrerako bialean, karabana arriskua gehitu, bi semaforo beharko baitira industrialdera sartzeko –gogoratu Urasandi-maalakoa-, edo irteteko, eragozpenak handituaz, kendu beharren.

 

2.- Sasirrotonda horren ondorioa da, Elgoibar N634 errepidetik igarotzeko 2 geldiune izango direla.

Inguruko beste inon ez dugu ikusi herri bat igarotzeko 2 semaforo pasatu beharra. Lehenik ere, gure herria igarotzeko, ordu nagusietan arazoak badira, orain gehiago izango dira.

 

Horregatik, Elgoibarko Ezker abertzaleak proiektu hobea aurkezten du gaur. Badagoelako beste modu bat, irteera hau konpontzeko.

 

          Sistema erraza da, eta, gainera, bertan dagoen desnibela aprobetxatuz egin daiteke.

Errepideak berdin jarraitzen du, semafororik gabe, eta bidegurutzean oztopo izan gabe, eta sarrera-irteera bide azpitik egitea da gakoa.

 

Agian, garestiagoa izango da, baina, etorkizunerako mesede.

 

Hala, bestela pentsatzen hasiko gara norbaiti ez zaiola komeni Elgoibarko N634 errepideko arazoa konpontzea, agian, gero beste proiektu erraldoiren bat –baraintearena, alegia-, aurkezteko.

 

Prioektua Alfredori, udalari helaraziko diogu, eta esaten diogu, begira dezala, ondo begiratu ere, har ditzala 2 minutu gure proiektua begiratzeko, berriz ere, diru publikoa eraginkortasunik izango ez duen obra batean gastatu aurretik.

Ezker abertzalea prest dago laguntzeko, Elgoibarko herritarrek, oraingoan -langileek-, industrialde horietan sarrera erosoagoa eta ziurragoa izan dezaten.

 

                                                      

Elgoibarren, 2008-11-30

Elgoibarko Ezker Abertzalea