OLA S.O.S. Elgoibarko Ezker abertzalearen salaketa

OLA S.O.S.   Elgoibarko Ezker abertzalearen salaketa.

#

#

#

Herriko eraikuntza historiko nabarmenena apurtu digute: Olasoko hilerriaren ataria, 1459an eraikitakoa.

600 urte eta gero, errepidetzar bat egiteko asmoz, azpialde guztia moztu diote, eta erortzen hasi da. Nonbaiten horrela jartzen duen arren, hau ez da ohikoa. 
Olasoko hilerriaren atari hau ez da erori berez, Elgoibarko udalak inguruan –hurbilegi- eragin duelako baizik.

#

#

#

 Patrimonioaren kontrako eraso honek, berriz ere, gure agintarien sentsibilitate falta erakusten digu. Eraikuntza historikoen babesaz ahoa betetzen dute, baina ez dute ulertu patrimonioa ez dela eraikuntza bera bakarrik, inguru osoa baino. Horregatik, mozten joan dira muñoa alderdi guztietatik, enpresak, errepideak, rotondak egiteko.

Azken erasoaren ondorio, lurrak mugitu egin dira, eta dardaraka hasi da Olasoko ataria.
600 urtetan, harri hauek, bata bestearen gainean, ezer gabe -ez zementurik, ez argamasarik- iraun dute. Orain, ostera, silokonaz eta zementuz bete beharko dituzte, behera etorri ez dadin.

Ez hori bakarrik. Jakin ahal izan dugu, hasiera hasieratik, hainbat tonelada -asko- zemento injektatu behar izan dutela kanposantu azpiko orubean, honek eutsiko bazion; hilerri azpia erabat "hutsa" omen zegoela komentatzen zutela langileek.

Zer ote zegoen muño azpian?
Non daude arkeologoak?
Non eragin aurreko ikerketak?

Zer bete dute hainbeste zementorekin?

Inoiz ez dugu jakingo.

Nor da bidegabekeria honen erantzule?

Elgoibarren, 2009ko urriaren 30a.

Elgoibarko Ezker Abertzalea