Elgoibarko herria antolatzeko plan orokorrari kritika
Udalak egindako txostena irakurri ondoren, Elgoibarko
Ezker Abertzaleak atera dituen ondorio nagusiak hauek dira:
Esaldi eta hitz handiz beteta dagoen totxotzar hau
-izan ere Elgoibar herriaren diagnosi integrala egiten du, lurren kalitatea,
ekosistemaren berezitasunak, babestu beharreko inguruneak, etorkizunerako bide
gorrien garrantzia…e.a. aipatuaz-, hala
ere, edukiei erreparatzen badiogu, azken urte luzeetako politika berdinaren
jarraipena dela esan dezakegu:
ETXEBIZITZA
POLITIKA BASATIAN, eta INDUSTRIA-GUNE BERRIETAN
oinarritutako plan orokorra baita.
Sekulako lan idatzia, berriro ere betikoa egin eta
betikoa esateko, berriro ere etxegintzako promotore eta enpresari handien
menpeko izateko, ingurugiro domestikatuarekin makillaje apurtxo bat egin
ondoren.
Hasteko, esan beharra dago, gaur egungo Elgoibar, EAJek azken 35 urteetan landutako
udal politika apurtzailearen ondorioa dela, eta oraingo alkateak ere -EAJ
alderdikoa bera-, aurkeztu duen txosten honekin, politika honen jarraipena
egiten duela, herritarrekiko eta hauen ongizatearekiko sentsibilitate falta
nabaria erakutsiaz.
Zein ondare utzi digu benetan EAJek,
azken urteetako herri-apurketa eta gero?
-Etxebizitza politika basatia,
- urrutira joan gabe, 700 etxe gutxienez azken 6
urteetan, ia beste 600 etxe huts daudela dakiten arren.
- Irteera eskaseko gune industrial eta auzo handiak
- Olasokoak, Urasandi
-Inprobisatutako guneak:
- Sigmako aparkalekua
-Kasko historikoa hondatua.
- Plan berezia egin gabe, eta
kontrolik gabeko eraldaketa egiten ari dena.
-Zementoan oinarritutako herria.
- Non dago berdegunerik herri honetan, lurrik
gabeko olibondoak, edo parkeetako belar motatxoak ez badira?
-Industria-gunez inguraturiko herria.
- 6 gutxienez
egin dira azken urteetan, eta gehiago aurrikusten dira
-Barrera arkitektonikoz jositako herria
- udaletxea
horren eredu.
- Ekipamenduak ahaztu dituen herria.
- Anbulatorioa txikia eta toki
arriskutsuan, mediku eta anbulantzientzat
ere aparkamenturik gabe.
- Frontoi ganorazkorik ez duena. Polikiroldegi
txiki eta kutrea. Kultur etxea kultur teknikarien ofizina.
-Plaza Txikiko eraikuntza zahartzen
utzi duena, aisialdi-gunea oztopatuz.
-San Lazaro eta eguneko zentruak
eskasak dituen herria.
- Merkataritza txikia, merkadilloa eta Merkatu plaza indargetzen utzi
duena.
-Ingurugiroan, agenda 21eko erabakiak faltsukeriz alderatu dituena.
-Altzola auzoa ahaztu duena
-Sallobenteko bailara gune industrial bihurtu zuena, eta kendu nahi ez
duena.
-Kontsumoa bakarrik indartzen duen kultura politika negargarria.
-
Kultura taldeak eta agenteak sakabanatuta eta hilzorian.
-Herritarren partehartzea oztopatu duen udal politika
- Apartheid-a
aplikatzen duena, hiritarrak ordezkari gabe utziaz.
-e.a.
Hau da daukaguna. Eta nola egin du
hau EAJek? Bada, norma subsidiarioak gaindituaz, eraldatuaz, eta euren erara
erabiliaz.
Txostenak dionez, 1996 tik hona, Elgoibarko herrian egin diren aldaketak,
espedienteen modifikazioen bitartez izan dira, hau da, ia 30 aldiz indarrean
zeuden Arau subsudiarioak gaindituz.
Zertarako balio izan dute, beraz,
arau haiek, gero nahi izan dutena egin badute?
Bestalde, orain diote, herriaren patrimonioa babesteko, beharrezkoa dela
plan orokorra egitea.
Zenbat aldiz eskatu dugu hau Ezker
abertzaletik, azken 10 urteetan, arau aldaketa bakoitza egiten zutenean, eta ez
digute kasorik egin?
Azkenean konturatu zirela ematen zuen, baina orain dakigu, txosten irakurri
ondoren, euren asmoa lehen bezala jarraitzea da.
Eta azken urteetan herria apurtu eta
gero, Zer egin digu PNVak orain?
- Alde batetik, Gune industrialetan
eta Etxegintzan oinarritzen den
plana.
Etxeak doaz Sigman,
Urasandin, Urasandi gainean, Santa Anako trenbide gainean, Ermuaranbiden, San
Roke erreserban,____1000 etxe baino gehiago aurrikusten dira.
Gune ruralak “urbanizatu” nahi
dituzte, etxeak egiteko ermita inguruetan.
Gune industrialak doaz Karkizao eta Lerun-Txikiz gain,
Oleta, Arriagan 4 tokitan, Albitxurin; eta Sallobenten, tranpa eginaz, Alkortari
handitzeko bidea irekitzen diote.
- Bestetik, 2 gai hauek kenduaz, kontraesanez
beteriko plana, konkreziorik gabeko printzipioen botatzea ez denean.
Hor irakurritakoaren arabera,
Kasko
historikoaren Plan bereziari
buruz ezer gutxi esaten da
Plaza
Txikiarekin ez dakite zer egin.
Frontoia
ez dakigu non joango den, ez eta
egingo den.
Polikiroldegia
ez dakigu berritu, handitu,
hobetu, ala mintxetara joango den.
Anbulatorioan
non kokatu behar den ez dakigu,
Plaza Txikian, agian?
Merkataritza berpizteko plan zehatzik ez dago, merkatu plaza berritzea horretarako ez
bada.
Pilar
Ikastetxea, ongizateko panacea dela diote: Eta gauzak aidean daude:
Zer gertatuko da San Lazaroko eraikuntzarekin ez
dakigu.
Gune sozio-sanitarioa egingo den ez dakigu
Eraikuntza erabat –bertikala- egitera
doazela ez digute esaten, hori irizpideen kontra badoa ere.
Barrera arkitektonikoei
buruzko plangintzarik ez dago
e.a.
Elgoibarko Ezker Abertzaleak,
udalaren, (edo egin duen enpresaren) proposamena irakurri eta aztertu eta gero,
zera adierazi nahi du:
Arau subsidiario berri hauen izpiritu
eta edukiak ez zaizkiola batere gustatzen, “más de lo mismo” direlako,
konstruktore eta enpresarien nahiei men egiten dien arauak izango direlako,
eta, herritarren nahi eta beharrekin, gu guztion ongizatearekin, zerikusi gutxi
izango dutenak.
Arau hauek negozioaren gizartea
indartuko dute, asko daukatenen onerako, eta herritarren bizitza kalitatea
hobetzeari bizkarra ematen diote, produkzio eta kontsumoaren morroi bihurtu
nahi gaituen etorkizuna bultzatuaz.
Horren aurrean, Elgoibarko Ezker
abertzalea, Arau subsidiarioen eraberritze zintzoa nahi duenez, herritarren
araberako arauak eraikitzen ari da, hauteskundeetan aurkeztu zuen Herri
Programan oinarrituaz, herri mugimenduekin egonaz, afektatuen iritzia jasoaz, eta
benetako parte hartzea –ez plexiglaseko parte hartzea-, bultzatuz.
Arloz arlo gaiak aztertzen ari gara, prestatzen,
eta behar denean, alternatibak proposatu nahi ditugu.
Horretarako dei egiten diegu, Elgoibarko
herritarrei, Ezker abertzalekoei, eta nahi duen guztiari, datorren
asteazkenean, hilak 14, Kultur Etxean egingo den herri batzarrera.
Iritziak eman, eztabaidatu, ideiak jaso: dena dago
egiteko.
Elgoibarren etorkizunak merezi duela uste
dugulako.
Elgoibarko
Ezker Abertzalea
2009-10-09