LEGE BERRIAK OVERBOOKING-AREN KONTRA

Europar Batasunak hainbat lege berri martxan jarri ditu overbooking-aren  kontra joateko. Horrek  sortzen dituen arazoak ekiditu nahi dira, horregatik isunak gero eta altuagoak izango dira. 2007ko abenduan  Bruselan egin zen batzarrean legedi berria aurkeztu zuten. Lege horrek hainbat puntu ditu eta garrantzitsuena overbooking-arekin zerikusia duena da. Gai honi buruz 1991an lneurri batzuk ezarri ziren, baina arazoa gero eta larriagoa denez, lege aldaketa bat egitea pentsatu zuten.

Nahiz eta hegazkin konpainiek lege horien kontrako salaketak egin, ez dute epaitegiaren emaitza aldatzerik lortu. Overbooking-aren arazoa betikoa  da, baina orain dela gutxira arte ez dira neurri gogorragoak ezarri. Azken urteetan,  hegazkinean sartzen diren bidaiariak baino txartel gehiago saltzen dituzte eta  honen ondorioz, bidaiari asko eserleku eta bidaia gabe geratzen dira. Horregatik, Europar Batasunak eskua sartu du  isun garrantzitsuagoak ezarriz.

Orain arte, overbooking-aren, atzerapenen eta kantzelazioengatik ezartzen ziren isunak 150-300 euro artekoak ziren, baina Europar Batasuneko epaitegiak azkeneko legean argitaratu duen moduan isun hauek 250-600 euro bitartekoak izango dira.

 Eskakizunak momentuan

Urte osoan 250 milioi pertsonek bidaiatzen dute hegazkinez eta horietatik 250.000 pertsonek jasaten dute urtean zehar overbooking-a. Arazo hauek gertatzen direnean konpainiaren leihatilara joan eta momentuan eskakizunak egitea gomendatzen du Europar Batasunak egindako lege berriak. Konpainiak eskakizun horiek jaso eta nahitaez konponbideak eman behar dituzte. Legeak esaten duen moduan, konpainiak dirua bueltatu, bidaia atzeratu edo lehenbailehen beste garraiobide bat lortzen saitu behar dira, horrela ez bada, salaketa bat ipintzeko aukera egongo da.