Olinpiar suzia itzalita

Tibeten aldeko protestak tarteko, itzalita eta autobusean egin du olinpiar suziak ibilbidearen zati bat Parisen

Lekuko batzuek ziurtatu dutenez, olinpiar suzia itzali egin dute gaur Parisen Txinaren kontrako protesten ondorioz, suziak eguerdian Frantziako hiriko ibilbidea hasi eta orduerdira. Antolatzaileek gezurra dela esan dute hasieran, baina gero itzali egin dutela onartu dute, "segurtasunagatik", Parisen egin beharreko ibilbidearen zati batzuk autobusean egin zitzan.

Nolanahi ere, Frantziako Gobernuak eta Poliziak segurtasun neurri handiak hartu dituzte suzia babesteko eta atzo Londresen izan ziren tankera bereko liskarrik gerta ez dadin -bi lagunek suzia hartu nahi izan zuten Tibeteko egoera salatzeko-. Hiru mila polizia ari dira segurtasun lanetan: motoetan, helikopteroetan, ontzietan, autoetan, oinez...

80 lagunek eraman behar gaur suzia Parisen, 28 kilometroko ibilbidean. Charlety kirol estadioan bukatuko du Parisko bidea.