ZU-SHI

eatgirl 1550013372263 EATGIRL vs ITGIRL | 2014-07-01 00:00
1

eatgirl 1508613059818

Munduan zehar dieta osasuntsuenak bilatu ezkero, «japoniarra» eta «mediterraneoa» ditugu. Ikerketen arabera, japoniarrek kardiobaskular-hilkortasun indize baxua dute: arraina eta barazki anitz kontsumitu, eta haragi eta euren grasa saturatu gutxi, kontsumitzen dituztelako.

Jatetxe japoniarrak, beste #joera igarokor bat edo geratzeko datoz? Ikusiko dugu, baina zer janari mota eskaintzen digute? Askok pentsatzen dutena alde batera utzita, ez da “fast-food-a” jatorriko janaria; nahiz eta mendebaldeko establezimendu “oportunista” askotan, hura guri hórrela eskaintzen diguten.

“Sushi”-a aipatzen badut, zer da lehen bururatzen zaizuna? «Arrain gordina». Ba egia esanda, bere funtsari eusten badiogu, dihardu arrozaz eta gehituta duen ozpin gozoaz. Hala ere, bere arrantza-herri tradizioak eragiten du, oinarrizko osagaien artean arraina izatea lehenetarikoa; oihoak izanda ere bai, barazki eta alga askok.

Publiko guztientzat egokia al da? Plateraren arabera. Gordinik bada, bere arriskuak dakartza? Entzun al duzu inoiz, anisakis eta salmonella-ri buruz? Ba bai, biek arrain gordinen arriskuak dira. Beraz, haiek kontsumitzerakoan beharrezko arreta-neurriak izango dira: aurretik 24 orduz izoztea (-20º tan) gomendatzen du Jaurlaritzako Osasun Sailak eta betebeharreko neurria da, eskaintzen duten establezimendu guztietarako. Beraz horri buruz lasaitasuna. Eta horrela egiten dute adibidez, hegalabur-gorriarekin, polemika dakartzan arrainarekin (baina hori beste egunerako utziko dugu). Hala ere, beste mota askok egosita edo lurrunetan prestatuta jaten dira: ganbak, olagarroa, surimi-a (txaka); honela patogenoak motelduz aparate, kanporatzen ditugu ere. Beraz, ume, haurdun eta zaharrek, azken hauek kontsumitu behar izango dituzte.

Zure janaria soilik Makis-ez edo Nigiri-z osatzen bada, karga gluzemikaren neurri osasuntsua gaindituko duzu  (arroza finduagatik eta ongarriari gehitutako gozokiagatik), gatzean ere bai (soja-saltsa eta arrainak asko dutelako); baina aukera osasungarriak daude, hura ondo konbinatzen jakin behar da soilik: 

  1. Sashimi-a, tartar-a: arrain gordineko zatiak dira, ɷ 3 koipe-azidoak ematen dutenak, (kolesterol-mailak kontrolatzen laguntzen dutenak) eta balio biologiko altuko proteinak. 
  2. Makizushi: begetalak ematen duten arrozeko biribilkiak aukeratzean (luzokerra, kuia, arbi horia, ahuakatea...) bitaminak, mineralak eta antioxidanteak erantsiko dizkiegu dietari.
  3. “Nori” Alga Entsalada: iodoa ematen digu, Euskadiko dietan mineral endemikoa deritzoguna.
  4. Establezimendu batzuek Chirashizushi eskaintzerakoan (arroz-katilua) integral aukera dute, karbohidratoez gain zuntza ematen diguna. 
  5. Jengibrea, plater askori laguntzen diena, antiseptiko naturala da; eta wasabi-ak (errefau piperduneko saltsa), digestioa errazten du.
  6. Edo veste produktu askok: adibidez, Uramaki-en sesamo-haziak.

Saiatu saihesten: 

  1. Arrain edo barazkietako Tempura: frijitu-forma hutsa da; edo Inari-a, arrainez betetako tofuko hestebetea dena, baina frijitu ere doana. 
  2. Saltsak edo gazta kremak ere, ez erabili maiz.

Has ezazu zure bazkari nipondarra barazki plater on batekin: dituzten ura eta zuntzak, zure digestioa arin dezaten. Nahiz eta ezin ditugun dieta japoniarraren onurak, mendebaldeko populazioari erantsi (ohiturak oso diferenteak direlako), gure errezeta-liburu exotikoan sartzeko beste aukera osasungarriak izan daitezke.

 

Blog  YouTube  Instagram  Telegram  Twitter  Facebook 

Gazteberri #100 | 2014 Uztaila-Abuztua

Bibliografia / Bibliografía:
 
[Irudia: http://www.destinoseuskadi.com/gastronomia-vasca/]

 

 


Utzi iruzkina: