poesiari kale?

---

  VII. POESIAREN ASTEA

“Poesiari kale?”

Maiatzaren 14tik 20ra Errenteria/Oreretan

 

 

Astelehena, maiatzak 14

11.00etan BihotzerreNak bitxizaki taldearen “Poesiaren arima galdua” antzerki-ekintza zumardiko azokan zehar.

19:30etan Auxtin Zamora idazlearen “Lastozko ihestokietan” entzunikus erakusketa (argazkiak eta olerkiak).

20:00etan Urtzi Urkizuren “Beta” liburuaren aurkezpena hainbat kolaboraziorekin.

 

Asteartea, maiatzak 15

20:00etan “Bizitzak ez du erremediorik” Gorka Setien eta Juanbau Erauskinen poesia errezitaldia, Nagore Lozanoren irudiekin.

 

Asteazkena, maiatzak 16

20:00etan Koldo Izagirreren “Rimmel” liburuaren aurkezpena.

 

Osteguna, maiatzak 17

20:00etan Juan Ramon Makusoren “Hiri gorazarre” errezitaldia. Iñaki Alberroren txeloa, Josemari Mitxelenaren gitarra elektrikoa.

 

Ostirala, maiatzak 18

20:00etan “Bertso zaharren antologia” Anartz Arrieta eta Xabier Etxaberen eskutik. Biolina, gitarra eta ahotsa.

 

Larunbata, maiatzak 19

19:00etan Mikelazulotik atera eta erdiguneko kale nagusietan barrena “Momentuen herrenbideak” ekimen artistikoa: poesia errezitaldi txikiak, aktoreak, irudiak, txalaparta, saxoa...

22:00etan David Duran eta Jose Manuel Molinaren abesti eta poemak, “Sueños cotidianos” ikuskizuna.

 

Igandea, maiatzak 20

20:00etan “Edan ase arte” ikuskizuna: Mikel Peruarenaren poemak eta Txus Aranbururen bandoneoia eta akordeoia.

 

HILABETE OSOAN ZEHAR:

 

Erakusketa: Peio “GOELLO”ren “Orbainak” erakusketa. Margoak eta collage poetikoak. Josetxo “Manos frías”en poemak.

 

 

  VII. POESIAREN ASTEA

“Poesiari kale?”

Maiatzaren 14tik 20ra bitarte Errenteria/Oreretan

Mikelazulo kultur elkarteak antolatua

 

 

Astelehena, maiatzak 14

11.00etan BihotzerreNak bitxizaki taldearen “Poesiaren arima galdua” antzerki-ekintza zumardiko azokan zehar.

 

Bufoiaren teknikatik abiatuta Kolax-Mikelazulo taldeek abiatu duten esperimentu baten hasiera. “BihotzerreNak” izeneko izakiak gizakion egunerokotasunera egin dute bidaia, eguneroko ekintzetan, aldarrikapenetan, joeretan egon litekeen poetikotasuna azpimarratzeko, gogora ekartzeko.

 

19:30etan Auxtin Zamora idazlearen “Lastozko ihestokietan” entzunikus erakusketa (argazkiak eta olerkiak).

 

“Iragiten ari dudan nostalgian eta neure filosofia pertsonalean instantez instante neure inguramenean topatzen ditudan gertatera eta izaitedun guztien eraginekin egituratua.”

Musika Gioacchino Rossinirena.

 

20:00etan Urtzi Urkizuren “Beta” liburuaren aurkezpena hainbat kolaboraziorekin.

 

Urtzi Urkizu kazetari eta zinema kritikariak joan den urtarrilean argitaratu zuen bere aurreneko bakarkako liburua autoedizioan, hainbat liburu kolektibotan parte hartu eta gero. Bi alfabeto osatu ditu Urkizuk liburu horretan, aurrenekoa 1998tik 2001era idatzitako narrazioekin eta 2001etik 2006ra idatzitako olerkiekin bestea. Maiatzaren 14ko aurkezpenean, bidaia txiki bat proposatuko du Urkizuk liburuko testuak eta bere testuingurua baliatuz. Horretarako Mikelazuloko hainbat kideren laguntza izango du, liburuko zenbait testu irakurtzeko hain zuzen.

 

 

Asteartea, maiatzak 15

20:00etan “Bizitzak ez du erremediorik” Gorka Setien eta Juanbau Erauskinen poesia errezitaldia, Nagore Lozanoren irudiekin.

 

Setienek eta Erauskinek poesia bildumak kaleratu dituzte Paperzaleak kultur ekartearen eskutik. “Aparkalekuko felizidadia” lehenak,  “Laztañe” bigarrenak. Nagore Lozanoren irudiek sarri lagundu dituzte Setienen poemak zuzeneko emanaldietan, eta bestela ere argazki erakusketak aurkeztu izan ditu hainbat gunetan.

 

 

Asteazkena, maiatzak 16

20:00etan Koldo Izagirreren “Rimmel” liburuaren aurkezpena.

 

Susa argitaletxeak argitaratu duen liburuaren aurkezpena. Koldo Izagirrek bere alabarekiko harremana etapa-atal ezberdinetan banatuta azaldu du, modu gertu, zintzo eta hunkigarrian, bere lanetan ohikoak diren zorroztasuna eta irudien nahiz hitzen aberastasuna ere orriotara ekarriaz.

Poemak irakurgai www.susa-literatura.comen, eta batez ere Rimmel liburuan.

 

Osteguna, maiatzak 17

20:00etan Juan Ramon Makusoren “Hiri gorazarre” errezitaldia.

 

Elea argitaletxeak kaleratutako liburua da “Hiri gorazarre”.

 

“Hiri gorazarre” Musipoema emanaldia, musika eta poesia, irudiekin
batera uztartzen dituen emanaldia. Bertan, hiri gorazarre (Elea 2006) poema
liburutik ibilbide bat egiten da.

            Poesia liburu honetan hiria da gaia eta euskarria. Gizakiaren
ibilbidea bere izaeratik, hirikoa izatea da. Eta egun, Errenterian,
Mikelazulo espazioa, hiriari egiten zaion laudorioa da. Are gehiago,
hitzetik hortzera iragartzen zaigu Gipuzkoa hiria eremua, eta Errenteriako
Mikelazulo, artearen agora izan daiteke. Eta testuinguru honetan kokatzen
dut nire nahia espazio horretan poesia emanaldia egiteko.

Poesia eta musika (gitarra elektrikoa eta txeloa) eta akuarelak, hirikoa den
Mikelazuloko hormak margotu eta zipriztintzea da gure nahia. Emanaldia
hirien espiritua azaltzeko balio du, gonbidapen bat da hirietatik barna
bidaiatzeko, poesia  musika eta margoen laguntzaz.”

 

Ostirala, maiatzak 18

22.00etan “Bertso zaharren antologia” Anartz Arrieta eta Xabier Etxaberen eskutik.

 

Bertso zaharrak aukeratzearen motibo nagusiak bi dira: batetik, kulturaren transmisioak biei sortzen dien kezka, eta bestetik, bertso ezagunak kantatzeko gogoa, entzuleek ezagutuko dituztenak.

Ikuskizunari forma eman nahian, hamar bertso-sorta preparatu dituzte hiru sailetan banatuta: gertakizunei dagokien atala, desgrazien ingurukoa (gerra, familietako gorabeherak...) eta maitasunarena.

Bertso-sortak aurkezteko garaian, formatu desberdinak erabiliko dituzte ekitaldian: badira “a capella” eta bi ahotsetara kantatuko dituztenak, beste batzuetan Anartzek biolinarekin lagunduko ditu bertsoak, eta gehienak Xabierrek jotako kitarraren akordeek girotuko dituzte. Anartzek eta Xabierrek hitzari eman nahi izan diote inportantzia, eta horregatik, ez dute nahi izan musika-tresnekin bertsoa gehiegi betetzerik. Testu-egileen aukeraketa, berriz, zabala da: hamar bertso-sorta horiek bederatzi bertsolari nahiz olerkarik sortutako testuak baitira.

 

Larunbata maiatzak 19

19:00etan Mikelazulotik atera eta erdiguneko kale nagusietan barrena “Momentuen herrenbideak” ekimen artistikoa, Mikelazuloko kideen eskutik: poesia errezitaldi ttipiak, txalaparta, saxoa, irudiak, antzerkia...

 

Ekintza honen bidez poetikotasunera eginen dugu bidaia, poesiaren bidetik. Kaleak gordetzen ahal dituen momentuetara eginen dugu bidaia publikoarekin batera, poesia baten idazketaren oinarrian egon litezkeen uneak, keinuak, kaleak, aldarrikapenak, aktore eta musikarien laguntzaz agerian utziz. Poemaren sustraietara egin nahi dugu bidaia publikoarekin, poema bat piztu lezakeen egoera erakutsi, eta ondoren poema entzun.

 

22:00etan David Duran eta Jose Manuel Molinaren abesti eta poemak, “Sueños cotidianos” ikuskizuna.

 

David Duran kantautore errenteriarrak Mikelazulon eskaini zuen lehen kontzertua orain hamar urte baino gehiago. Jose manuel Molina idazlearekin batera kaleratu “Sueños cotidianos” izeneko poesia bilduma, eta bertako hainbat testu musikatuz eta errezitatuz eskainiko dute emanaldia.

“En el veloz ritmo de la ciudad a veces respiramos poesía sin saberlo. La belleza se disfraza de rutina y hay que parar y quitarle el antifaz. Lo que queda son los SUEÑOS COTIDIANOS”.

 

 

Igandea maiatzak 20

19:30etan “Edan ase arte” ikuskizuna: Mikel Peruarena eta Txus Aranburu.

 

Errezitaldia Peruarenaren Edan ase arte izeneko poema bildumaren oinarrian antolatu dute eta Peruarenak errezitatzen dituen poemei bandoneoiaren eta akordeoiaren musika gehitzen dio Aranburuk. Ikuskizun soila da prestatu dutena, singlea, eta intimista edo barnekoia, hausnarketari irekitako ate bat. Ordubete inguru irauten duen ikuskizunean bizitzaz, maitasunaz eta heriotzaz dihardute, nagusiki, Peruarenaren poemek. Otsailaren 22an egin zuten aurkezpena, Korrika kulturalaren barruan, Hernaniko Bodega tabernan, berrogeita hamar bat lagunen aurrean eta blog bat ere sortu dute euren lanaren berri emateko eta zabaltzeko: edanasearte.blogspot.com.